ထောက်ပံ့ကြေးဖြင့် သင်တန်းခြောက်ခု တက်ရောက်ခွင့်လျှောက်ထားနိုင်
လူမှုဝန်ထမ်းကယ်ဆယ်ရေးနှင့်
ပြန်လည်နေရာချထားရေး ၀န်ကြီးဌာနက ဖွင့်လှစ်ထားသော မသန်စွမ်း
သက်ကြီးသင်တန်းကျောင်းတွင် မသန်းစွမ်းသူများကို သင်တန်းဘာသာရပ်
(၆)မျိုးဖွင့်လှစ်သင်ကြား ပေးသွားမည်ဖြစ်ကြောင်း သိရှိရသည်။
“လာမယ့်
မေလထဲမှာ စပြီး သင်တန်းပေးမှာပါ။ ကိုယ်အဂါင်္မသန်ပေမယ့် စွမ်းတဲ့သူတွေအတွက်
သူတို့ ၀ါသနာပါတဲ့ပေါ်မူတည်ပြီးတော့ ပညာရပ်တွေကို ပို့ချပေးသွားမှာပါ” ဟု သက်ကြီးသင်တန်း ကျောင်းမှ ကျောင်းအုပ်ကြီး ဦးအေးကျော်က ပြောသည်။
သင်တန်းများလျှောက်ထားသူများထဲမှ
တက်ရောက်ခွင့်ရရှိသူများကို လူမှုဝန်ထမ်းဦးစီးဌာန ဘတ်ဂျတ်ဖြင့်
လစဉ်ထောက်ပံ့ကြေး၊ နေထိုင်စရာ အဆောင်၊
စားစရိတ်များထောက်ပံ့ပေးသွားမည်ဖြစ်ပြီး နယ်မှ သင်တန်း တက်ရောက်ရသူများကို
ခရီးစရိတ် ပြန်လည်ထောက်ပံ့ပေးသွားမည်ဖြစ်ကြောင်း သိရှိရသည်။
အဆိုပါ သင်တန်းကို ၂၀၁၃
ခုနှစ် မေလ (၁၃)ရက်နေ့တွင် စတင်ဖွင့်လှစ်သင်ကြားသွားမည်ဖြစ်ပြီး
သင်တန်းတက် ရောက်လိုသူများအနေဖြင့် မသန်စွမ်းသက်ကြီး သင်တန်းကျောင်း၊ အမှတ်
(၆၅)၊ ကျိုက်ဝိုင်းဘုရားလမ်း၊ မရမ်းကုန်းမြို့နယ်၊ ရန်ကုန်မြို့ (ဖုန်း-
၀၁-၉၆၆၁၇၁၂၊ ၀၉-၇၃၀၇၄၈၆၅၊ ၀၉-၄၉၃၀၆၄၀၇) သို့ ဆက်သွယ်
စုံစမ်းလျှောက်ထားနိုင်ကြောင်း သိရှိရသည်။
သင်တန်းများမှာ
စက်ချုပ်၊ ဓါတ်ပုံ၊ ပိုးဇာပုံနှိပ်၊ ကွန်ပျူတာ၊ အီလက်ထရွန်းနစ်၊ ဆံသ
သင်တန်းတို့ ဖြစ်ပြီး အီလက်ထရွန်းနစ်သင်တန်းမှာ အချိန်ကာလအားဖြင့်
တစ်နှစ်ကြာမြင့်မည်ဖြစ်ကာ ကျန်သင်တန်းများမှာ (၃)လ
ပြတ်သင်တန်းများဖြစ်ကြောင်း သိရှိရသည်။
သင်တန်းတက်ရောက်လိုသူများသည်
အသက် (၁၈)မှ (၄၅)နှစ်အတွင်းရှိရမည်ဖြစ်ပြီး သင်တန်းများအလိုက်
အခြေခံပညာအလယ်တန်း၊ အထက်တန်းအဆင့် သက်မှတ်ထားကြောင်း သိရသည်။
စက်ချုပ်၊
ဓါတ်ပုံ၊ ပိုးဇာပုံနှိပ်သင်တန်းများအတွက် အခြေခံပညာ အလယ်တန်းအဆင့်
ဖြစ်ရမည်ဟု သတ်မှတ် ထား၍ အီလက်ထရွန်းနစ်နှင့် ကွန်ပျူတာသင်တန်းအတွက်
အခြေခံပညာအထက်တန်း အဆင့် ဖြစ်ရန် သတ်မှတ်ထားကြောင်း သိရသည်။
"အရင်ကလည်း
သင်တန်းတွေပေးတာတက်ဖူးပါတယ်။ ကောင်းပါတယ်။ ကျွန်တော်တို့အတွက် အများကြီး
ကိုအထောက်အကူဖြစ်တယ်။ စိတ်လည်း စိတ်ဝင်စားပါတယ်။ ဒါပေမယ့်
ပညာအရည်အချင်းကန့်သတ်ထား တော့ နည်းနည်းတော့ အခက်တွေ့တယ်"ဟု
မရမ်းကုန်းမြို့နယ် (၄)ရပ်ကွက်နေထိုင်သူ (မသန်စွမ်း)တစ်ဦးက ပြောသည်။
လူမှုဝန်ထမ်းဦးစီးဌာနမှ
၁၉၅၄ ခုနှစ်ကတည်းက သင်တန်းများကို (၁)နှစ်လျှင် (၃)ကြိမ်
ဖွင့်လှစ်ခဲ့ကြောင်း မြန်မာနိုင်ငံတွင်း နေထိုင်သူ လူဦးရေများထဲမှ
ကိုယ်အင်္ဂါမသန်စွမ်းသူ ဦးရေ (၉)သိန်း ၀န်းကျင်ရှိကြောင်း အဆိုပါဌာနက
သိရှိရသည်။
ဝမ်းသာစရာပါ
။ အပြောနဲ့သာမဟုတ်လက်တွေ့လုပ်ပေးတဲ့သမ္မတကြီးနဲ့အစိုးရအဖွဲ့ဝင်အားလုံးကိုလေးစားလျှက်ပါ.............
No comments:
Post a Comment